Turist dərədən yıxılaraq öldü

Lerik rayonunda turist 80 metr dərinlikdə olan dərəyə yıxılaraq ölüb.

Teleqraf.com xəbər verir ki, Qaradağ rayonu, Səngəçal qəsəbə sakini 1968-ci il təvəllüdlü Füzuli Seyfulla oğlu Hacıyev gəzinti zamanı ehtiyatsız davranıb.

Hadisə yerinə Fövqəladə Hallar Nazirliyinin( FHN) Cənub Mərkəzinin Xüsusi Riskli Xilasetmə qüvvələri cəlb olunub.

Görülən tədbirlər nəticəsində Füzuli Hacıyevin meyiti dərədən çıxarılıb və aidiyyəti üzrə təhvil verilib.

Meyit müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib.

Faktla bağlı araşdırma aparılır.