Ağcabədidə ağır qəza: Ölən var

Ağcabədi rayonunda avtomobil iki piyadanı vurub, ölən və xəsarət alan var.

Teleqraf.com xəbər verir ki, bu barədə Daxili İşlər Nazirliyi (DİN) məlumat yayıb.

Belə ki, Quluzadə Turqut Vüqar oğlu darə etdiyi "LADA Priora" markalı avtomobil Ağcabədi-Ağdam yolunun 1-ci kilometrində, Ağcabədi rayonu, Ağabəyli kəndi ərazisindən keçən hissəsində, Ağdam rayonu istiqamətində hərəkətdə olan piyadalar - 2016-cı il təvəllüdlü Əlizadə Hüseyn Yolçu oğlu və 1986-cı il təvəllüdlü Əliyeva Xədicə Arif qızını vurub. Nəticədə Ə.Xədicə xəsarət alıb, Hüseyn Əlizadə isə hadisə yerində ölüb.

Faktla bağlı Ağcabədi rayon polis şöbəsinin İstintaq bölməsində CM-nin 263.2-ci maddəsi ilə cinayət işi başlanaraq istintaq aparılır.