Premyer Liqada III dövrəyə yekun vurulur

Topaz Premyer Liqasında III dövrəyə yekun vurulur.

Teleqraf.com-un məlumatına görə, bu gün 21-ci turun son 2 qarşılaşması keçiriləcək.

Gəncədə çempionatın autsayderləri üz-üzə gələcək. "Kəpəz" AZAL-ı sınağa çəkəcək. Son zamanlar qələbə üzünə həsrət qalan hər iki komanda dövrəni major notda bitirməyə çalışacaq.

"Neftçi" isə öz meydanında "Zirə"ni qəbul edəcək. Bu komandaların dueli dördüncü yer baxımından mühüm əhəmiyyət kəsb edir. "Ağ-qaralar" qələbə qazansa, rəqibi ilə xal fərqini 3-ə endirəcək. "Zirə" isə əksinə, 3 xalı bayram etməklə dördüncü pillədəki mövqeyini xeyli yaxşılaşdırmış olacaq.

5 mart

15:00.“Kəpəz” – AZAL
Hakimlər: Orxan Məmmədov, Mübariz Haşımov, Mehman Mahmudov, Elvin Əsgərov

Gəncə şəhər stadionu

18:00.“Neftçi” – “Zirə”

Hakimlər: Rəhim Həsənov, Nahid Əliyev, Cavanşir Yusifov, Əliyar Ağayev

8-ci kilometr qəsəbə stadionu