Toşak Təbrizdən getdi

Güney Azərbaycan “Traktor” futbol komandasının baş məşqçisi Con Toşak Təbrizi tərk edib.

Teleqraf.com xəbər verir ki, “Traktor”un İran kubokunun 1/16 final mərhələsində “Sənət Neft”ə məğlub olmasından sonra uelsli mütəxəssisin klubun sükanını tərk edəcəyi bildirilirdi.

O, bu gün Təbrizdən Türkiyəyə gedib. Con Toşakla birlikdə onun köməkçisi və oğlu da Güney Azərbaycanı tərk edib.

Hələlik klubdan baş məşqçinin “Traktor”dan ayrılması ilə bağlı rəsmi açıqlama verilməyib.

“Real Madrid” komandasının keçmiş baş məşqçisi “Traktor”a klubu çempion etmək məqsədi ilə gətirilmişdi. Lakin 18-ci super liqa yarışlarından 6 həftə keçməsinə baxmayaraq Təbriz təmsilçisi yalnız 9 xal qazana bilib.
Klubun sahibi Məhəmmədrza Zenuzi hazırda Rusiyada səfərdədir, onun ayın 19-da Təbrizə qayıdacağı bildirilir. Kalub sahibi qayıtdıqdan sonra Toşakla bağlı qərarın açıqlanacağı ehtimal edilir.