"Qəbələ"də baş məşqçi dəyişikliyi

"Qəbələ" futbol komandasının baş məşqçi postunda sənəd üzərində dəyişiklik baş verib.

Bu addım UEFA-nın Lisenziyalaşdırma tələblərinə uyğun olaraq atılıb.

Komandanın baş məşqçisi Sənan Qurbanovun Pro lisenziyası olmadığından, bu vəzifənin icraçısı kimi rəsmi sənədlərdə Pro kateqoriyalı köməkçi-məşqçi Zaur Həşimov göstəriləcək.

Lakin iş bölgüsündə hər hansı dəyişiklik aparılmayacaq. Yenə Qurbanov baş məşqçi, Həşimov məşqçi səlahiyyətlərinə malik olacaq.