Millimizin üzvü Çexiyada növbəti qolunu vurdu

Çexiya Gənclər Liqasında 22-ci tura yekun vurulub.

Teleqraf.com xəbər verir ki, Fərid Nəbiyevin çıxış etdiyi "Slaviya"nın 21 yaşadək futbolçulardan ibarət komandası “Sparta"nın qonağı olub. Görüş "Slaviya"nın 2:1 hesablı qələbəsi ilə başa çatıb. Start heyətdə meydana çıxan U-21 millimizin üzvü F.Nəbiyev bu görüşdə bir qol vurub. O, 42-ci dəqiqədə komandasının qələbə qolunun müəllifi olub.

Qeyd edək ki, “Slaviya”nın U-21 komandası hazırda 29 xalla 8-ci pillədə qərarlaşıb.