“Beşiktaş” səfərdən 1 xalla döndü

Türkiyə Super Liqasında 8-ci tura start verilib.

Teleqraf.com xəbər verir ki, tura “Qalatasaray” – “Sivasspor” matçıyla start verilib. Beş qolun qeydə alındığı matç İstanbul təmsilçisinin çətin qələbəsi ilə başa çatıb.

Səfərdə “Antalyaspor”la qarşılaşan “Gənclərbirliyi” rəqibini 6 cavabsız qolla məğlub edib.

“Başakşəhər” doğma meydanda “Göztəpə”ni çətinliklə məğlub edib. “Trabzonspor” isə “Qaziantep”lə ev oyununda asan qələbəyə sevinib. “Beşiktaş” “Ankaragücü”nün qonağı olub. Cari mövsümdə uğursuz təsir bağışlayan İstanbul təmsilçisi bu dəfə də xal itkisi ilə üzləşib.

“Fənərbaxça” bu turda səfərdə “Dənizlispor”la qarşılaşacaq.