Pele Messini təbrik etdi

Futbol üzrə üç qat dünya çempionu olan braziliyalı Pele "Barselona"nın argentinalı forvardı Lionel Messinin oyunundan heyran olduğunu bildirib.

Teleqraf.com xəbər verir, bu barədə Pele öz İnstaqram səhifəsində paylaşımında qeyd edib.

O, Messini təbrik edib: "Səni tarixi rekordunla əlaqədar təbrik edirəm, Lionel. Amma hər şeydən əvvəl səni "Barselona"da çox gözəl karyera münasibətilə təbrik edirəm. Sənə heyranam, Leo".

Xatırladaq ki, L.Messi İspaniya çempionatında Valensiya ilə oyununda qol vurub (2:2). Bu top argentinalı üçün rəsmi matçlarda “Barselona”nın heyətində 643-cü olub. L.Messi bir klubda vurulan qolların sayına görə Pelenin rekordunu təkrarlayıb.