"Qəbələ" - "Qarabağ" oyununun vaxtı dəyişdirildi

Premyer Liqanın 2015/2016 mövsümünün ilk turunun oyun cədvəlində dəyişiklik edilib.

Teleqraf.com Peşəkar Futbol Liqasına istinadən məlumat verir ki, PFL klublarımızın avrokuboklardakı çıxışını, oyunların keçiriləcəyi stadionların tam hazır vəziyyətə gətirilməsini, matçların canlı yayımlanacağını nəzərə alaraq, 3 görüşün vaxtının dəyişdirilməsini vacib bilib.

Belə ki, “Neftçi” – “Kəpəz” oyunu 8 avqust tarixindən 9 avqust tarixinə keçirilib. “Rəvan” və “Sumqayıt” komandaları arasındakı oyun əvvəlcədən nəzərdə tutulduğu kimi, 8 avqustda deyil, 10 avqustda reallaşacaq. “Qəbələ” – “Qarabağ” matçı isə 9 avqustda deyil, 10 avqustda baş tutacaq.