"Avro-2016": final mərhələsinin 20 yığması bəlli oldu

Bu gün keçirilən 9 oyunla "Avro-2016"nın seçmə mərhələsinə yekun vurulub.

Qol.Az-ın məlumatına görə, daha 2 yığma Avropa çempionatının final mərhələsinə adını yazdırıb.

A qrupunda Türkiyə millisi ən yaxşı qrup üçüncüsü kimi Avropa çempionatının final mərhələsinə vəsiqə qazanıb. Millimizin də qərarlaşdığı H qrupunda isə Xorvatiya yığması son turda Norveçi qabaqlayaraq Avropa çempionatının final mərhələsində oynamaq hüququ əldə edib. Bununla da, "Avro-2016"nın final mərhələsində iştirak edəcək komandaların sayı 20-yə yüksəlib.

Qalan son 4 iştirakçının kimliyinə isə noyabr ayında keçiriləcək pley-off oyunlarından sonra aydınlıq gələcək.

Qeyd edək ki, gələn il Fransa keçiriləcək Avropa çempionatının final mərhələsində ilk dəfə olaraq 24 komanda iştirak edəcək.

Avropa çempionatının final mərhələsində iştirak edəcək 20 komanda:

Meydan sahibi: Fransa

A qrupu: Çexiya, İslandiya, Türkiyə

B qrupu: Belçika, Uels

C qrupu: İspaniya, Slovakiya

D qrupu: Almaniya, Polşa

E qrupu: İngiltərə, İsveçrə

F qrupu: Şimali İrlandiya, Rumıniya

G qrupu: Avstriya, Rusiya

H qrupu: İtaliya, Xorvatiya

İ qrupu: Portuqaliya, Albaniya