Məşhur milyarderdən kritik açıqlama: “Kapital müharibəsi ola bilər”

ABŞ və Çin arasında mübahisə kapital müharibəsinə çevrilə bilər.

Teleqraf.com xəbər verir ki, bunu “Bridgewater Associates” fondunun qurucusu, milyarder Rey Dalio deyib:

"Ticarət, texnoloji, geosiyasi müharibələr var, bu dəfə isə kapital müharibəsi baş verə bilər. Qanuni yolla Çinə investisiya yatırmasan, yaxud ABŞ-ın Çinə olan istiqraz ödənişləri dayandırılsa, təbii ki, bunlar dolların dəyərinə təsir göstərmək kimi böyük nəticələrə gətirib çıxaracaq”.

Rey Dalionu ən çox narahat edən məsələ pulun təhlükəsizliyidir: “Məhsuldar olmaq və bunu bir müddət saxlamaq əvəzinə, kəsir yaradıb, istiqrazlar satıb, pul çap etmək olmaz”.