7 İyun 20:56
284

Kənd Təsərrüfatı Nazirliyinin Tərəvəzçilik Elmi-Tədqiqat İnstitutunda yeni tərəvəz, o cümlədən kartof növlərinin dequstasiyası keçirilib.

Teleqraf.com xəbər verir ki, tədbirdə institutda yaradılmış dequstasiya komissiyasının üzvləri, həmçinin nazirliyin müvafiq şöbələrinin məsul şəxsləri, elmi-tədqiqat institutlarının rəhbərləri və digər qonaqlar iştirak edib.

Yeni yaradılmış növlər haqqında institutun rəhbəri Elmar Allahverdiyev və seleksiyaçı alimlər iştirakçılara ətraflı məlumat veriblər. Dequstasiya üçün institutun seleksiyaçı alim və mütəxəssislərinin yaratdığı pomidor, bibər, xiyar və kartof bitkilərinin yeni növləri təqdim olunub. Təqdim olunmuş tərəvəz növləri təyinatına, yetişkənliyinə, biokimyəvi tərkibinə görə bir-birindən fərqlənir.

Yeni növlər bir neçə parametr üzrə qiymətləndirilib. Tərəvəzin dadı, əmtəllik olması, biokimyəvi tərkibi və digər parametrlər əsas götürülüb. Qiymətləndirmə 5 ballıq sistem üzrə aparılıb. Burada pomidorun 10, xiyarın 3, bibərin 2 və kartofun 6 yeni növü təqdim olunub. Pomidor, xiyar və bibər növlərinin istixana şəraitində becərilməsi nəzərdə tutulur.


Müəllif: Yeganə Oqtayqızı