Rusiya Avropanı təhdid etdi: "Şimal axını-2" yoxdursa, qaz da yoxdur

Rusiya təbii qaz tədarükünü artırmaq müqabilində Almaniya və Avropa İttifaqından (Aİ) “Şimal axını-2” boru kəməri üçün qanuni tənzimləyici təsdiq verməsini istəyir.

Teleqraf.com xarici mediaya istinadən xəbər verir ki, Avropanın enerji böhranı davam edərkən, Moskva rəhbərliyi gizli şəkildə Almaniyaya və Aİ-yə qapalı şəkildə "Şimali axın-2” yoxdursa, qaz da yoxdur" deyə təhdid edib.

Rusiya Federasiyası Şurasının beynəlxalq məsələlər Komitəsinin sədri Konstantin Kosaçev enerji böhranı yaşayan Avropaya əlavə qaz tədarük etməyəcəklərinə işarə vurub: Bizə aid olmayan səhvləri düzəltmək üçün addım ata bilmərik. Biz bütün müqavilə şərtlərinə əməl edir və bütün öhdəliklərimizi yerinə yetiririk. Qalan hər şey qarşılıqlı faydanı təmin edən müqavilələrə tabe olmalıdır”.