“Çilov” yatağında yeni quyu qazılır

"Çilov" yatağındakı 112 saylı özüldən 118 nömrəli quyuda qazma işlərinə başlanılıb.

Teleqraf.com SOCAR-ın saytına istinadən məlumat verir ki, layihə dərinliyi 1450 metr olan quyu Kompleks Qazma İşləri Tresti tərəfindən Qala Lay Dəstəsinə qazılır. Geoloqların hesablamalarına əsasən, quyudan sutkada 5 ton neft hasil ediləcək.

Quyuda istismar işləri "Azneft" İB-nin "28 May" Neft və Qazçıxarma İdarəsi tərəfindən həyata keçiriləcək.