Məşhurların maşını: “Hələlik bir avtomobillə kifayətlənirəm” - Sorğu/FOTOLAR

Məşhurların evləri, villaları, avtomobilləri kənar insanlar üçün həmişə maraqlı olur.

Teleqraf.com bu marağ nəzərə alaraq məşhurlara belə bir sual ünvanlayıb: “Avtomobilinizin markası hansıdır, qiyməti neçəyədir?”

Sorğunu təqdim edirik:

Aktrisa Pərvin Abıyeva bildirib ki, “Porche Cayenne” markalı avtomobil idarə edir. Qiyməti 90 mindir manatdır.

Aparıcı Mətanət Əliverdiyeva: “Onsuz da avtomobili kreditlə alırıq. Elə şeyləri deməyi xoşlamıram”.

Müğənni Rəşad İlyasov: “Mən “Land Rover” markalı maşın idarə edirəm. Çox sevdiyim avtomobillərdəndir, içərisi təyyarəyə bənzəyir. Olmayanlara Allah qismət eləsin. Öz halal pulumla almışam. Yeni versiyası 120 min dollardır. Amma mən yarı qiymətə almışdım”.

“Hummer” idarə edən müğənni İzzət Bağırov: “Bir avtomobilim var. Həmişə də bir avtomobilim olub. Çünki saxlamağa məkan yoxdur. Sürücüm məni düşürdükdən sonra avtomobilimi başqa yerə aparır. Əvvəl Badamdarda həyət evində yaşayırdım. Ora rahat idi. İndi uşaqlara görə şəhərə köçmüşəm. Çünki bağçaya gedirlər. Yaşadığım evdə həyətdə maşın çoxdur. Gecə yer olmur. Ona görə də bir maşın kifayət edir”.

Aktyor Elməddin Cəfərov: “Mən “Lexus” markalı avtomobil sürürəm. Qiymətini unutmuşam, çünki çoxdan almışam. İnşallah, bir neçə aydan sonra avtomobilimi dəyişəcəm. Ondaavtomobilin qiyməti haqqında sual verərsiniz”.

Rəqsanə