“Nu, poqodi!” cizgi filminin davamı çəkiləcək

“Soyuzmultfilm” kinostudiyası “Nu, poqodi!” cizgi filminin davamını çəkəcək.

Teleqraf.com xəbər verir ki, kinostudiya cizgi filminin daha 26 seriyasını çəkməyi planlaşdırır.

Bu barədə jurnalistlərə məlumat verən “Soyuzmultfilm” kinostudiyası İdarə Heyətinin sədri Yulinana Slaşeva bildirib ki, cizgi filminin 1969-cu il yanvarın 1-də ilk buraxılışının ekrana çıxmasından 50 il keçir. Bu münasibətlə filmin 26 yeni seriyasının çəkilişləri planlaşdırılır. Yeni seriyadan olan ilk film 2020-ci ildə balaca tamaşaçılara təqdim ediləcək.

Qeyd edək ki, “Soyuzmultfilm” kinostudiyası 1936-cı ildə yaradılıb. İndiyədək burada 1500-dən çox cizgi filmi çəkilib.