FIFA yeniyetmə futbolçunun ölümü ilə əlaqədar başsağlığı verdi

Azyaşlı futbolçu Şəhriyar Qurbanovun həlak olması münasibətilə FIFA-dan AFFA-ya başsağlığı məktubu daxil olub.

Teleqraf.com göndərilən başsağlığı məktubunu diqqətinizə çatdırır:
“Şəhriyar Qurbanov xatirəsinə

Bu məktubla azyaşlı futbolçu Şəhriyar Qurbanovun bu yaxınlarda dünyasını dəyişməsi ilə bağlı səmimi və dərin hüznlə başsağlığımızı ifadə etmək istərdik.

Şəhriyarın ailəsinə, Naftalan futbol klubundakı komanda yoldaşlarına, dostlarına və sevdiklərinə dərin hüznümüzü çatdırır, bu çətin zamanda sözlərimizin sülh və təsəlli verəcəyinə ümid edirik”.

Qeyd edək ki, FIFA gənc futbolçunun ölümü ilə bağlı rəsmi başsağlığı göndərən ilk beynəlxalq təşkilatdır.