Şoyqu: "Rusiya sülhməramlıları Qarabağda sülhün təminatçısıdır"

Rusiya hərbçiləri Qarabağda sülhün təminatçısıdır.

Teleqraf.com xəbər verir ki, bunu Rusiyanın müdafiə naziri Sergey Şoyqu bildirib.

O qeyd edib ki, Rusiya sülhməramlıları Qarabağda və ona bitişik rayonlarda dinc həyatın bərqərar olması üçün şərait yaradırlar.

"Bir ildən artıqdır ki, Rusiya sülhməramlıları dinc həyatın bərqərar olmasına şərait yaradır, Azərbaycanla Ermənistan arasında münasibətlərin bərpasına kömək edir. Regionda bir dənə də olsun ciddi insident baş verməyib”, - Şoyqu deyib.