İran ərazilərin minalardan təmizlənməsi ilə bağlı Azərbaycanla danışıqlar aparır

İşğaldan azad edilən ərazilərin minalardan təmizlənməsi ilə bağlı İran ilə Azərbaycan arasında danışıqlar aparılır.

Teleqraf.com xəbər verir ki, bunu Azərbaycan xarici işlər naziri Ceyhun Bayramov Azərbaycana səfərə gələn İranın xarici işlər naziri Hüseyn Əmir Abdullahian ilə birgə mətbuat konfransında deyib.

Nazir bildirib ki, bu gün keçirilən ikitərəfli görüşdə də bu məsələ müzakirə edilib.

“Razılıq əldə olundu ki, ANAMA İranın müvafiq qurumları ilə ərazilərin minalardan təmizlənməsi ilə bağlı fikir mübadiləsi aparsın”, - deyə nazir bildirib.