17 Sentyabr 15:35
308

“Ermənistanın Kollektiv Təhlükəsizkik Müqaviləsi Təşkilatına (KTMT) sədrlik etməsinin bizə heç bir aidiyyatı yoxdur. Ermənistan KTMT çərçivəsində Azərbaycana qarşı heç bir addım ata bilməz. Ermənistan ənənəvi siyasətini davam etdirərək KTMT-ni prosesə cəlb etməyə çalışa bilər. Amma KTMT-də Azərbaycanda yaxın dostluq edən dövlətlər var ”.

Bunu Teleqraf.com-a Azərbaycan Demokrat Partiyasının sədri Sərdar Cəlaloğlu deyib.

Partiya sədri xatırladıb ki, KTMT-də təmsil olunan Qırğızıstan, Qazaxıstan, Belarus kimi ölkələr Azərbaycanla yaxından əməkdaşlıq edir: “İrəvan bu çərçivədə bizə qarşı heç bir addım ata bilməz”.

Sərdar Cəlloğlu düşünür ki, indi ermənilər suda batıb saman çöpündən yapışmaq istəyən insanın durumundadırlar: :

“Onlar çalışırlar ki, nəsə əldə etsinlər. Məsələn Qarabağda status əldə etsinlər, uduzduqları mövqeləri imkan daxilində bərpa etsinlər. Amma KTMT çərçivəsində heç nə edə bilməzlər. KTMT-də aparıcı ölkə Rusiyadır. Rusiya da Azərbaycanla hərbi münaqişəyə girməz. Türkiyə və Pakistan da bizim yanımızda olması bu amili daha da gücləndirir. Ona görə Rusiya bunu getməz. Odur ki, Ermənistanın KTMT-yə sədrlik etməsi mövcud reallıqları və şərtləri heç bir halda dəyişmir”.


Müəllif: Nemət