Azərbaycanlı memar vəfat etdi

Azərbaycan Memarlar İttifaqının üzvü Fazil Məmmədov vəfat edib.

Mədəniyyət və Turizm Nazirliyindən Teleqraf.com-a verilən məlumata görə, memar 12 avqust tarixində uzun sürən xəstəlikdən sonra vəfat edib. Fazil Məmmədov 6 aprel 1949-cu ildə Bakı şəhərində anadan olub. O, Azərbaycan Politexnik İnstitutunda təhsil alıb.

Uzun illər müxtəlif yerlərdə rəhbər vəzifələrdə çalışan Məmmədov bir neçə il Mədəniyyət və Turizm Nazirliyində Mədəni İrs şöbəsində işləyib. Mədəniyyət və Turizm Nazirliyinin rəhbərliyi və kollektivi Nazirliyin sabiq əməkdaşı Məmmədov Fazil Qulam oğlunun vaxtsız vəfatından kədərləndiyini bildirir və dərin hüznlə başsağlığı verir.

Nərmin