"Turan"ın bank hesabları açıldı

Vergilər Nazirliyi "Turan" İnformasiya Agentliyinin (İA) bank hesablarını açıb.

Teleqraf.com xəbər verir ki, bu barədə "Turan" məlumat yayıb.

Bununla belə, agentliyə qarşı qaldırılmış cinayət işinə xitam verilib-verilmədiyi hələ dəqiq məlum deyil.

Xatırladaq ki, Vergilər Nazirliyinin Lokal Gəlirlər Departamenti bu ilin avqustunda “Turan” agentliyinə qarşı 37 min manat əlavə vergi hesablayıb və cinayət işi qaldırıb. Sentyabrın 12-də nazirlik qeyd olunan məbləğlə bağlı qərarını ləğv edib.

“Turan” agentliyinin avqustun 24-də həbs edilmiş direktoru Mehman Əliyev isə sentyabrın 11-də azadlığa buraxılıb