Vətəndaşlar bu nazirlikdən nə istəyir? - 15 min müraciət

Təhsil Nazirliyinin Telefon Məlumat Mərkəzinə daxil olan zənglərlə və Vətəndaşların Qəbulu Mərkəzində 2017-ci ilin oktyabr ayında vətəndaşlara göstərilən xidmətlə bağlı statistika açıqlanıb.

Nazirlikdən Teleqraf.com-a verilən məlumata görə, ötən ay ərzində mərkəzə 15767 müraciət daxil olub, Telefon Məlumat Mərkəzində isə 11218 zəng qəbul edilib.

Vətəndaşların Qəbulu Mərkəzində bu dövrdə 4 549 vətəndaşa xidmət göstərilib.

Telefon Məlumat Mərkəzinə və Vətəndaşların Qəbulu Mərkəzinə daxil olmuş müraciətlərin (əsasən sorğu xarakterli olub) əksəriyyəti dərhal cavablandırılıb və operativ həll olunub. Vətəndaşların Qəbulu Mərkəzində 1920 sənəd (950 məktub, 660 ərizə, 310 digər sənəd) qəbul olunub və qeydiyyata alınıb.

Daxil olan müraciətlər daha çox ali təhsil sənədlərinin (diplomların) tanınması (nostrifikasiya), müəllimlərin işə qəbulu, dərs saatların verilməsi, şagirdlərin bir məktəbdən digərinə köçürülməsi ilə bağlı məsələləri əhatə edib.

Qeyd edək ki, Telefon Məlumat Mərkəzinə ötən ay ərzində ən çox həftənin bazar ertəsi (2 750 müraciət) və çərşənbə axşamı (2 640 müraciət) günləri, əsasən, saat 09:00-dan 13:00-dək və 14:00-dan 16:00-dək müraciət olunub.

Vətəndaşların Qəbulu Mərkəzinə isə ən çox həftənin bazar ertəsi (1 199 müraciət) və çərşənbə axşamı (1 018 müraciət) günləri, əsasən, saat 09:00-dan 12:00-dək müraciət edilib.