Alpinistlərlə bağlı məlumat hazırlanır - Eldar Sultanov

11:40

Dekabrın 23-də Quba rayonu ərazisində itkin düşmüş alpinistlərdən birinin tapılması barədə yayılan xəbərlər yalandır.

Bu barədə Teleqraf.com-a "Gilavar" hava və ekstrim idman klubundan məlumat verilib.

Məlumatda qeyd edilib ki, axtarışlardan hələ ki bir nəticə əldə edilməyib: "Alpinistlərdən birinin tapılması barədə bizə məlumat daxil olmayıb. Fövqəladə Hallar Nazirliyi ilə əlaqə saxladıq. Onlar da məlumatın yalan olduğun bildirdilər. Hazırda axtarışlar aparılır".

Xatırladaq ki, ötən il dekabrın 23-də "Gilavar" hava və ekstrim idman klubunun 3 üzvü - Fəridə Cəbrayılzadə, Babur Hüseynov və Namin Bünyatzadə Quba rayonundan Tufandağ istiqamətində hərəkət edərkən onlarla əlaqə kəsilib.

***

İtkin düşmüş alpinistlərlə bağlı rəsmi məlumat veriləcək.

Bunu Teleqraf.com-a açılqmasında Baş Prokurorluğun mətbuat xidmətinin rəhbəri Eldar Sultanov alpinistlərin itkin düşməsi ilə bağlı xəbərə münasibətini açıqlayarkən, bildirib.

Qeyd edək ki, mətbuatda dekabrın 23-də Quba rayonunun Xınalıq kəndindən Tufandağ istiqamətində yola çıxan “Gilavar” Hava və Ekstrim İdman Klubunun üzvləri Cəbrayılzadə Fəridə Zəbiyulla qızı, Hüseynov Babur Vaqif oğlu və Bünyadzadə Namin Nizami oğlunun itkin düşmələri ilə bağlı cinayət işinin açılması ilə bağlı xəbərlər yayılıb.