10 Yanvar 2019 11:53
800
12 Punto 14 Punto 16 Punto 18 Punto

Qaxda baytarlıq idarəsi donuzlar arasında profilaktik tədbirlərə başlayıb.

Rayon ərazisində 2 min başdan çox donuz qarayara xəstəliyinə qarşı peyvənd olunub və donuzların saxlandığı ərazilər dezinfeksiya edilib.

Qax rayonu Gürcüstan Respublikası ilə sərhəddə yerləşdiyindən və rayonda fərdi donuz təsərrüfatları olduğundan, rayon Dövlət Baytarlıq idarəsi gücləndirilimiş iş rejiminə keçib. İdarə rəisi Şövkət Babayev bildirib k, rayonda 2 min başdan çox donuz bəslənir. Donuzlara əsasən milliyyətcə gürcü olan, Qax rayon sakinləri baxır. İdarə tərəfindən dezinfeksiya və mexaniki təmizlənmə işləri ilə yanaşı donuz saxlayan fermerlər arasında maarifləndirmə işləri gücləndirilib. Əsas tapşırıq isə donuzları qapalı şəraitdə saxlamaqdır.

Qax rayonunun bazarında donuz ətinin satışına rast gəlmək mümkündür. Azərbaycan Qida Təhlükəsizliyi Agentliyi (AQTA) ətin satışına nəzarət edir. Satışa çıxarılan donuz ətindən nümunə götürülür və laboratoriyaya göndərilir. Ət satışa yararlıdırsa satışına icazə verilir./report/


Müəllif: Teleqraf.com