İlham Qəhrəmandan yeni kitab

“Qanun” nəşriyyatı şair İlham Qəhrəmanın yeni “Şairin vətəni sevgidir” adlı kitabını çapdan buraxıb.

Bu barədə Teleqraf.com-a İlham Qəhrəman özü məlumat verib.

Onun sözlərinə görə, kitabda oxucular son illərdə yazılmış şeirlərlə bərabər şairin əvvəlki kitablarında getmiş şeirlərdən seçmələri də oxuya biləcəklər.

Şeirlərin məzmununa görə bölmələrə ayrıldığı kitaba şairin yaxın günlərdə yazdığı “Yaddaş” poeması da salınıb.

Kitabda Azərbaycan Dövlət Rəssamlıq Akademiyasının (ADRA) tələbəsi gənc rəssam Sitarə Hüseynlinin şəkillərindən illüstrasiya kimi istifadə edilib.