Asteroid yağışı başladı: “Yerə təhlükə yarada bilər” – NASA-nın iddiası

Diametri 213 metr olan bir asteroid bu gün Yer kürəsinə yaxınlaşacaq.

Teleqraf.com xəbər verir ki, bu barədə NASA-nın Araşdırma Mərkəzi məlumat verib.

Yaxınlaşma nəticəsində stadion böyüklüyündə asteroidlə Yer arasındakı məsafə təxminən dörd milyon kilometr olacaq.

“2020 XU6” asteroidinə əlavə olaraq, diametri 23 m olan “2020 BV9” və diametri 40 m olan “2021 CC5” asteroidləri də Yerə yaxın məsafədən keçəcək. Asteroidlərin dünyaya təxminən 6.9 milyon kilometr məsafədən keçəcəyi bildirilib.

Bir gün əvvəl, diametri 10 və 61 metr olan “2021 DD1” və “2021 DK1” asteroidləri Yerə yaxın məsafədən keçib.

“Asteroid Watch” nəzarət panelinin Yerə yaxın məsafədən yaxınlaşacaq asteroidləri və kometləri izləməyə davam etdiyi qeyd olunub.

Təxminən 150 metr diametrli və potensial təhlükəli bir məsafədə dünyaya yaxınlaşacaq bir cisim dünyaya təhlükə yarada bilər.