Azərbaycan Ordusunun şəhid hərbi qulluqçusu dəfn edildi

Azərbaycan Ordusunun şəhid hərbi qulluqçusu Ələkbər Əlövsət oğlu Musayev dəfn edilib.

Teleqraf.com xəbər verir ki, onun nəşi Cəlilabad rayonunun Mollalı kənd qəbiristanlığında torpağa tapşırılıb.

Şəhidin tabutuna bükülmüş Azərbaycan bayrağı onun atası, I Qarabağ müharibəsinin iştirakçısı Əlövsət Musayevə verilib. Dəfn zamanı fəxri qaravul yaylım atəşi açıb.

Qeyd edək ki, Ə.Musayev Cəlilabad rayonunun Vətən müharibəsində verdiyi 97-ci şəhiddir.

Xatırladaq ki, şəhidin atası cənazə həyətə gətirilən zaman qurban kəsib.