Azərbaycan 150 ölkənin Mədəniyyət Nazirliyinə müraciət etdi

"Ermənilər 30 ilə yaxın işğal altında saxladıqları tarixi yurd yerlərimizdə bütün infrastrukturu, o cümlədən tarixi-mədəni irsimizi məhv ediblər. Qarabağda ermənilərin törətdiyi vandalizm artıq dünya ictimaiyyətinə çatdırılır".

Teleqraf.com xəbər verir ki, bunu mədəniyyət naziri Anar Kərimov deyib.

“Yeri gəlmişkən qeyd edim ki, mədəni irsimizə qarşı törədilən vandalizm aktları ilə əlaqədar Mədəniyyət Nazirliyi tərəfindən UNESCO və ICESCO-ya, BMT-nin Sivilizasiyalar Alyansına və 150 ölkənin Mədəniyyət Nazirliyinə müraciət edilib”, - nazir bildirib.