“Açıq mikrofon”un səsi Yardımlıdan gələcək!

Avqustun 11-də Yardımlı rayonunun Dəlləkli kəndində “Azəriqaz” İB-nin “Səyyar qəbul otağı” təşkil olunacaq.

“Azəriqaz” İstehsalat Birliyinin İctimaiyyətlə Əlaqələr şöbəsindən Teleqraf.com-a verilən məlumata görə, “Açıq mikrofon” aksiyasında iştirak edən sakinlər qaz təchizatı ilə bağlı istənilən problem və təkliflərini rahat şəkildə səsləndirə bilərlər. Bu rahatlığı təmin etmək üçün bəzi məsələləri də nəzərə almışıq.

Belə ki, sakinlərin sərbəst, ehtiyat etmədən problemlərini, şikayətlərini dilə gətirməsi üçün aksiyamıza aidiyyatı üzrə olan və ya olmayan hansısa səlahiyyətli şəxslərin iştirakını nəzərdə tutmamışıq. Aksiyamız saat 11:00-dan 14:00-a qədər davam edəcək. Bir yerdə olaq ki, problemlərin həlli asan olsun!