Əks göstəriş sertikatı neçə nəfərə verilib? - Rəsmi açıqlama

Yaxın günlərdə əks göstəriş sertifikatı alanların 1 aylıq statistikası açıqlanacaq.

Bu barədə Teleqraf.com-un sorğusuna cavab olaraq Səhiyyə Nazirliyindən bildirilib.

Qeyd edək ki, avqustun 9-dan etibarən Azərbaycanda istifadəsinə icazə verilən COVID-19 əleyhinə vaksinlərə qarşı əks göstərişləri olan şəxslərə Əks göstəriş sertifikatının verilməsinə başlanılıb.

Sentyabrın 1-dək olan məlumata görə, ümumilikdə 313 nəfərin müraciətinə müsbət cavab verilib.

Sosial şəbəkələrdə isə ayrı-ayrı vətəndaşlar Əks göstəriş sertifikatlarının verilməsində ciddi problemlər olduğunu bildirirlər.