Şəhid hərbi qulluqçumuz dəfn edildi - Yeniləndi

Noyabrın 16-da dövlət sərhədində Ermənistanın təxribatları nəticəsində baş verən döyüş əməliyyatları zamanı şəhid olan Azərbaycan Ordusunun hərbi qulluqçusu Natiq Əliyev dəfn edilib.

Teleqraf.com xəbər verir ki, Natiq Əliyev Gəncə şəhərində Şəhidlər Xiyabanında torpağa tapşırılıb.

***

13:44

Ermənistanın təxribatı nəticəsində şəhid olan Əliyev Natiq Yusif oğlu ilə vida mərasimi keçirilir.

Teleqraf.com-un məlumatına görə, vida mərasimində şəhid hərbçimizin yaxınları, döyüş yoldaşları, rəsmilər iştirak edir.

Şəhidimiz Gəncənin Şəhidlər xiyabanında torpağa tapşırılacaq.

Qeyd edək ki, müddətdən artıq həqiqi hərbi xidmətdə olan çavuş Natiq Əliyev ailəli olub, 1 övladı var. Şəhidimiz Laçın və Kəlbəcər arasında düşmən təxribatının qarşısını alarkən şəhadət zirvəsinə yüksəlib.

Allah rəhmət eləsin!