Son sutkada 29 nəfər koronadan vəfat etdi

Azərbaycanda koronavirus (COVID-19) infeksiyasına 5 948 yeni yoluxma faktı qeydə alınıb, 7 060 nəfər müalicə olunaraq sağalıb.

Nazirlər Kabineti yanında Operativ Qərargahdan Teleqraf.com-a verilən məlumata görə, analiz nümunələri müsbət çıxan 29 nəfər vəfat edib.

İndiyədək ölkədə ümumilikdə 738 328 nəfərin koronavirus infeksiyasına yoluxması faktı müəyyən edilib, onlardan 679 316 nəfər müalicə olunaraq sağalıb, 9 027 nəfər vəfat edib. 49 985 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 19 844, bu günə qədər isə ümumilikdə 6 372 838 test icra olunub.