9 İyun 2022 15:33
288
12 Punto 14 Punto 16 Punto 18 Punto

2021-ci ildən şəhid ailə üzvlərinin kvota ilə işə götürülməsi prosesinə başlanılıb. Ölkə üzrə 66 mindən artıq kvota var və bu sayın 80 minə çatdırılması planlaşdırılır.

Teleqraf.com xəbər verir ki, bunu Əmək və Əhalinin Sosial Müdafiəsi Nazirliyində Vətən müharibəsi qazilərinin məşqulluğunun təmin edilməsi, onlara göstərilən sosial dəstəklə bağlı keçirilən mətbuat konfransında Dövlət Məşğulluq Agentliyinin sədri Mustafa Abbasbəyli deyib.

Onun sözlərinə görə, bu ilin ilk 4 ayı ərzində 2500-dən çox şəxs işdən sığorta ilə təmin olunub:

"Yaxın zamanlarda bu sayın 10 000-ə çatıdırılması nəzərdə tutulub. Böyük qayıdış çərçivəsində azad olunan ərazilərdə işlə təminat məsələsinə baxılır. Qazilərin orada işə cəlbinə xüsusi önəm veriləcək. Qarabağda iş platforması hazırlanır".


Müəllif: Aysel Azad