Son altı ayda 10 bazar cərimələnib

Bu ilin I yarısında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti baxılması başa çatmış işlər üzrə 10 bazar subyektinə 144 129 manat maliyyə sanksiyası tətbiq etməklə icrası məcburi göstərişlər verib.

Teleqraf.com bu barədə Dövlət Xidmətinə istinadən xəbər verir.

Məlumata görə, hesabat dövründə haqsız rəqabətin pozulması əlamətləri üzrə 20 işə baxılması başa çatıb, görülmüş tədbirlər nəticəsində təsərrüfat subyektlərinin yol verdiyi pozuntular aradan qaldırılıb, 12 işə baxılması isə davam edir.