Rezidenturaya qəbul imtahanının birinci mərhələsi başa çatdı

Bu gün Dövlət İmtahan Mərkəzi (DİM) tərəfindən rezidenturaya qəbul imtahanının birinci mərhələsi (baza fənləri üzrə biliklərin qiymətləndirilməsi imtahanı, ikinci cəhd) keçirilib.

Bu barədə Teleqraf.com-a DİM-dən məlumat verilib.

Bildirilib ki, imtahanların keçirilməsi üçün ümumilikdə 5 imtahan binası, 13 imtahan rəhbəri, 5 ümumi imtahan rəhbəri, 96 nəzarətçi-müəllim, 24 buraxılış rejimi əməkdaşı (mühafizə) və 5 bina nümayəndəsi ayrılıb.

İmtahan nəticələri yaxın 2-3 gün ərzində elan olunacaq.