Bakının 3 rayonunda suyun verilişində məhdudiyyətlər olacaq

Bakının Səbail, Nəsimi və Xətai rayonlarının bir hissəsinə içməli suyun verilişində məhdudiyyətlər olacaq.

Bu barədə Teleqraf.com-a Dövlət Su Ehtiyatları Agentliyindən məlumat verilib.

Məhdudiyyətlər su kəmərində aparılan təmir-bərpa işləri ilə əlaqədar noyabrın 30-u saat 20:00-dan dekabrın 1-i səhər saatlarına qədər olacaq.

Agentlik yaranacaq narahatlıqla əlaqədar abonentlərdən üzr istəyib.