Azərbaycanda güclü zəlzələ oldu - Yeniləndi

Bu gün yerli vaxtla saat 08:15:41-də Altıağac stansiyasından 51 km şimal-şərqdə, Xəzər dənizində zəlzələ qeydə alınıb.

Bu barədə Teleqraf.com-a AMEA nəzdində RSXM-nin Zəlzələlərin tədqiqatı bürosundan məlumat verilib.

Belə ki, zəlzələ Altıağac, Siyəzən, Quba, Qusar, Xaçmaz, Şabran, Qobustan, Abşeron yarımadasında bəzi yerlərdə 5, bəzi yerlərdə 3 bala qədər hiss olunub.

Zəlzələ ocağının dərinliyi 70-km-dir.

***

09:45

Hazırda zəif afterşoklar gedir.

Teleqraf.com xəbər verir ki, bu barədə AMEA nəzdində Respublika Seysmoloji Xidmət Mərkəzinin Elektron Xidmətlər şöbəsi məlumat yayıb.

***

08:26

Azərbaycanda güclü zəlzələ baş verib.

Respublika Seysmoloji Xidmət Mərkəzindən Teleqraf.com-a bildirilib ki, ilkin məlumata əsasən Azərbaycan ərazisəndə zəlzələ qeydə alınıb.

Yerli vaxtla 08:16-da baş verən zəlzələ 5.6 bal gücündə qeydə alınıb. Zəlzələnin ocağı Xəzər dənizində yerləşib. Zəlzələ Bakı və ətraf rayonlarda hiss olunub.