Prezidentliyə namizədlərin efir vaxtı üçün püşkatma keçiriləcək

2024-cü il fevralın 7-nə təyin edilmiş növbədənkənar prezident seçkilərində ödənişsiz efir vaxtının bölgüsü məqsədilə yanvarın 15-də püşkatma keçiriləcək.

Bu barədə Teleqraf.com-a Mərkəzi Seçki Komissiyasından (MSK) bildirilib.

MSK-nın inzibati binasında keçiriləcək püşkatmanın məqsədi seçkiqabağı təviqat aparmaq üçün İctimai Televiziya və Radio Yayımları Şirkəti tərəfindən ayrılmış ödənişsiz efir vaxtının qeydə alınmış namizədlər və namizədi qeydə alınmış siyasi partiyalar arasında bərabər şərtlərlə və bərabər həcmdə bölgüsüdür.