Bakıda su niyə kəsilib və suyun verilişi nə zaman bərpa olunacaq?

Bakıda suyun olmadığı ilə bağlı kütləvi narazılıq var. Paytaxtın müxtəlif rayonlarında yaşayan vətəndaşlar günlərdir suyun kəsildiyini deyirlər. Azərbaycan Dövlət Su Ehtiyatları Agentliyi Oğuz-Qəbələ kəmərində təmir-bərpa işlərinin aparıldığını, həmin ərazidə geniş tərkibli yenilənmə işlərinin görüldüyünü açıqlayıb.

Teleqraf.com-a danışan İri Şəhərlərin Birləşmiş Su Təchizatı Xidmətinin mətbuat xidmətinin rəhbəri Ceyhun Musaoğlu Oğuz-Qəbələ su xəttində təmir-bərpa işlərinin tamamlandığını bildirib.

“ Artıq suyun bərpası ilə məşğul olunur. Oğuz-Qəbələ xəttinin üstündə Bakının 15-dən rayonu var. Yasamal, Səbail, Nəsimi, Binəqədi, Sabunçu, Xəzər, Suraxanı, Ramanı, Pirallahı rayonlarına suyun verilməsi rejimində dəyişiklik edilib. Suyun bütün evlərə gəlib çatmasında problem var. Oğuz-Qəbələ xəttindən əlavə xətlərlə şəhərə gələn su digər əraziləri qidalandırır".

O ətraflı məlumatı bir neçə dəqiqə ərzində yayacaqlarını qeyd edib.