6 İyun 2015 10:53
548

Bu gün Sumqayıt, Abşeron, Mingəçevir, Gəncə, Daşkəsən, Şəmkir, Göygöl, Samux, Gədəbəy, Qazax, Ağstafa, Tovuz, Naftalan, Goranboy, Şəki, Zaqatala, Balakən, Qəbələ, Qax və Oğuz şəhərlərində yerləşən orta ümumtəhsil müəssisələrinin buraxılış siniflərində təhsil alan ( IX və XI siniflərdə) şagirdlər üçün mərkəzləşdirilmiş qaydada buraxılış imtahanları keçirilir.

Teleqraf.com Tələbə Qəbulu üzrə Dövlət Komissiyasına (TQDK) istinadla xəbər verir ki, eyni zamanda, Bakı şəhərinin Səbail və Nərimanov rayonlarında yerləşən və təhsili ingilis dilində olan orta məktəblərin buraxılış siniflərində təhsil alan şagirdlər də imtahan verirlər.

IX sinif şagirdləri üçün imtahan saat 10:00-da, XI sinif şagirdləri üçün isə saat 15:00-da başlanır.

Qeyd edək ki, IX sinif şagirdlərinin buraxılış imtahanlarının keçirilməsi üçün qeyd olunan şəhər və rayonlarda ümumilikdə 65 imtahan mərkəzi ayrılıb. Həmin gün 29379 nəfər (Sumqayıtda 3992, Abşeronda 3136, Mingəçevirdə 1178, Gəncədə 3126, Daşkəsəndə 300, Şəmkirdə 2473, Göygöldə 816, Samuxda 670, Gədəbəydə 968, Qazaxda 998, Ağstafada 896, Tovuzda 2139, Naftalanda 81, Goranboyda 1307, Şəkidə 2023, Zaqatalada 1379, Balakəndə 1077, Qəbələdə 1450, Qaxda 661, Oğuzda 594, həmçinin Bakı şəhər Nərimanov rayonunda 41, Səbail rayonunda isə 74) 9-cu sinif şagirdinin imtahanda iştirakı nəzərdə tutulur.

XI siniflərdə təhsil alan şagirdlərin buraxılış imtahanlarının keçirilməsi üçün də 65 imtahan mərkəzi ayrılıb. Həmin gün 24774 nəfər (Sumqayıtda 3375, Abşeronda 2163, Mingəçevirdə 986, Gəncədə 2722, Daşkəsəndə 291, Şəmkirdə 2295, Göygöldə 866, Samuxda 558, Gədəbəydə 846, Qazaxda 832, Ağstafada 695, Tovuzda 1619, Naftalanda 47, Goranboyda 1180, Şəkidə 1813, Zaqatalada 1219, Balakəndə 750, Qəbələdə 1470, Qaxda 507, Oğuzda 510, həmçinin, Bakı şəhər Nərimanov rayonunda 9, Səbail rayonunda isə 21) 11-ci sinif şagirdinin imtahanda iştirakı planlaşdırılır.

İmtahanların idarə olunmasına, ümumilikdə, 183 imtahan rəhbəri, 2583 nəzarətçi-müəllim ayrılıb.


Müəllif:
loading...