Xalq artisti haqqında 3 dildə kitab yazılır

“Azərbaycan Teatr Xadimləri İttifaqı Nəsibə Zeynalovanın anadan olmasının 100 illiyinə töhfə vermək istəyir. Bu münasibətlə İttifaq gözəl aktrisamıza həsr olunan kitab hazırlayır”.

Teleqraf.com xəbər verir ki, bu sözləri jurnalistlərə açıqlamasında Teatr Xadimləri İttifaqının sədri Azər Paşa Nemət deyib.

Onun sözlərinə görə, kitab Nəsibə Zeynalovanın həyat və yaradıcılığı, kinoda və teatrdakı yaratdığı obrazlarına, əldə etdiyi nailiyyətlərə həsr olunur: “Kitabda həmçinin aktrisanın həyatının anlarını əks etdirən fotolar da yer alacaq”.

İttifaq sədri qeyd edib ki, kitab üç dildə - Azərbaycan, rus, ingilis dillərində nəşr olunacaq və il ərzində oxucuların ixtiyarına veriləcək.

Nərmin