Məktəblərdə 5 günlük dərs həftəsi ləğv edilir?- Təhsil Nazirliyindən açıqlama

Bir neçə gün əvvəl bir sıra saytlarda orta məktəblərdə bir neçə il əvvəl tətbiqinə başlanan 5 günlük sistem özünü doğrultmadığından şagirdlər yenidən 6 gün dərsə getməli olacaqları barədə xəbərlər yayılıb.

Səbəb olaraq isə 5 günlük dərs sisteminin tədris vəsaitini qavramaq üçün yetərli olmadığı göstərilir. Yəni bu sistemdə şagirdlərin dərs yükü daha artıq olduğundan mənimsəmə faizi də aşağı düşür.

Təhsil Nazirliyi Teleqraf.com-un bununla bağlı sorğusuna cavab verib.

Nazirlikdən bildirilib ki, məktəblərdə 5 günlük dərs həftəsinin ləğvi ilə bağlı yayılan məlumat həqiqətə uyğun deyil.

İlhamə Əbülfət