İki rayonda narkotik əməliyyatı: həbs olunanlar var

Astara rayonunda narkotiklərlə bağlı əməliyyat keçirilib.

Teleqraf.com xəbər verir ki, Astara rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində Ərçivan qəsəbə sakini Saleh Nəsirov saxlanılıb.

Saleh Nəsirovun həyətyanı sahəsindən kultivasiya yolu ilə yetişdirilmiş, ümumi çəkisi 8 kiloqram 700 qram olan 113 ədəd çətənə kolu və 4 kiloqram 100 qram marixuana aşkar edilərək götürülüb.

Bundan başqa, Lənkəranın Girdəni kəndində də əməliyyat keçirilib. Kənd sakini Ehtibam Nəcəfovun həyətyanı sahəsindən kultivasiya yolu ilə yetişdirilmiş 1 ədəd çətənə kolu, habelə gizlətdiyi 1 kiloqram 960 qram marixuana aşkar edilərək götürülüb.

Hacı Zeynalov