Prokuror İŞİD-in tərkibində döyüşən azərbaycanlıya cəza istədi

Bu gün Bakı Ağır Cinayətlər Məhkəməsində İŞİD və digər terror təşkilatlarının tərkibində döyüşməkdə təqsirləndirilən Ramin Xanmuradovun cinayət işi üzrə məhkəmə prosesi davam etdirilib.

Teleqraf.com xəbər verir ki, hakim Novruz Kərimovun sədrliyi ilə keçirilən prosesdə dövlət ittihamçısı çıxış edib.

O, Ramin Xanmuradova 14 il həbs cəzası istəyib. Ramin Xanmuradovun vəkili hüquqlarını müdafiə etdiyi şəxsə bəraət hökmünün çıxarılmasını xahiş edib.

Proses fevralın 22-də davam edəcək.

İttihama görə, Ramin Xanmuradov 2013-2015-ci illərdə Suriya və İraqda qanunsuz silahlı birləşmələrin, o cümlədən İŞİD, “Cəbhətül-Nusra” və “Cundu Şam” terrorçu təşkilatlarının fəaliyyətində iştirak edib.

Hacı Zeynalov