Balakən və Şəkidə narkotiklərlə bağlı xüsusi əməliyyat

Balakən və Şəkidə narkotiklərlə bağlı xüsusi əməliyyat keçirilib.

Teleqraf.com xəbər verir ki, əməliyyatlardan biri Balakən rayonunun Mahmalar kəndində keçirilib.

Kənd sakini Şamil Xurtunov 284,81 qram marixuananı satarkən polis əməkdaşları tərəfindən tutulub. Araşdırmalarla onun narkotik vasitəni həmyerlisindən aldığı müəyyən edilib və həmin şəxsin evinə baxış zamanı oradan 1 kiloqram 610 qram marixuana aşkar edilərək götürülüb. Bu istiqamətdə əməliyyat-axtarış tədbirləri davam etdirilir.

Daha bir əməliyyat Balakən rayonunun Xalatala kəndində keçirilib. Polis əməkdaşları tərəfindən Xalatala kənd sakini Ramazan Qacarovun həyətyanı sahəsindən kultivasiya yolu ilə yetişdirilən 22 ədəd çətənə kolu, evindən isə 177,76 qram marixuana aşkar edilərək götürülüb.

Oxşar əməliyyat Şəkidə də keçirilib. Polis əməkdaşları tərəfindən Turan qəsəbə sakini, əvvəllər məhkum olunmuş Qəhrəman Zeynallıdan 405 qram marixuana götürülüb.

Hacı Zeynalov