Sabunçuda iki evdən pul və qızıl oğurlandı

Bakının Sabunçu rayonunda evlərdən birindən oğurluq edilib.

Teleqraf.com xəbər verir ki, aprelin 15-də rayon ərazisindəki evlərdən birindən 1000 manat dəyərində qızıl əşyalar oğurlanması barədə polisə məlumat daxil olub.

12-ci polis bölməsi əməkdaşlarının əməliyyat-axtarış tədbirləri ilə oğurluğu törətməkdə şübhəli bilinən Bakı şəhər sakini Cabir Cəfərov tutulub.

Daha bir oğurluq hadisəsi rayonunun Sabunçu qəsəbəsində qeydə alınıb. 1966-cı il təvəllüdlü Nailə Hüseynovanın evindən 2000 manat, habelə 2000 manat dəyərində qızıl-zinət əşyaları oğurlanıb.

Cinayəti törədən şəxsin müəyyən edilərək həbs edilməsi istiqamətində əməliyyat tədbirləri görülür.

Hər iki faktla bağlı cinayət işi başlanıb.

Hacı Zeynalov