Narkotik alverçiləri cinayət başında yaxalandı

Quba rayonunda narkotiklərlə bağlı əməliyyat keçirilib.

Teleqraf.com xəbər verir ki, Quba rayon polis şöbəsinin əməkdaşları tərəfindən narkotik bitki becərən Cimi kənd sakinini İslam İsgəndərov həbs edilib.

Onun həyətyanı sahəsinə baxış zamanı ümumi çəkisi 2 kiloqrama yaxın 24 ədəd çətənə kolu aşkarlanıb.

Həmçinin İslam İsgəndərovun yaşadığı evdən 1 kilo 120 qram qurudulmuş narkotik vasitə aşkar edilib.

Digər əməliyyat nəticəsində Quba rayon sakini Xoşbəxt Məmmədov saxlanılıb. Onun üzərindən külli miqdarda narkotik vasitə aşkarlanıb.

Hər iki faktla bağlı cinayət işi başlanıb.