Telefon qovşağından kabel sökən həbs edildi

Bakıda telefon qovşağından oğurluq edən şəxs saxlanılıb.

Teleqraf.com xəbər verir ki, yanvarın 2-dən 5-dək Sabunçu rayonunun Bilgəh qəsəbəsi ərazisində rayon telefon qovşağına məxsus 4 dirəkdən 98 metr telefon kabelinin kəsilərək oğurlanması barədə 14-cü polis bölməsinə müraciət daxil olub.

Faktla bağlı Sabunçu rayon Polis İdarəsinin istintaq şöbəsində cinayət işi başlanılıb.

Polis əməkdaşlarının “isti izlər”lə keçirdikləri əməliyyat-axtarış tədbirləri ilə oğurluğu törətməkdə şübhəli bilinən Bakı şəhər sakini Zaur Əliyev saxlanılaraq istintaqa təhvil verilib.