Küçədə qadını soyan kişi tutuldu

Bakının Nəsimi rayonunda soyğunçuluq olub.

Teleqraf.com xəbər verir ki, paytaxt sakini olan bir qadın küçədə soyğunçuluqla üzləşməsi barədə 20-ci polis bölməsinə məlumat verib.

O bildirib ki, naməlum şəxs içərisində qızıl bilərzik və bankomat kartı olan çantasını əlindən alıb.

Əməliyyat-axtarış tədbirləri nəticəsində soyğunçuluğu törətməkdə şübhəli bilinən Bakı şəhər sakini, əvvəllər məhkum olunmuş Ceyhun Hüseynov saxlanılıb.